معمول لصالونات لبنان

خلص الدفتر. وخلص التخمين شو في بالصندوق.

Bookabell بينظّملك الصالون من مكان واحد: حجوزات أونلاين، زبائن بلا موعد، دفع بالدولار واللبناني، معاشات الموظفين والتقارير. عتلفونك وعالكمبيوتر، بالعربي والإنكليزي.

١٤ يوم ببلاش · بتجهّزو بعد الضهر · عربي وإنكليزي

موقع بوكابيل: روزنامة الصالون وكل الحلاقين حدّ بعض
تطبيق Bookabell: حجوزات اليوم والزبائن بلا موعد والمدخول عالشاشة الرئيسية

معمول لكل كرسي

الكلمات بتتغيّر حسب شغلك: حلاقين، مصفّفين، خبيرات أظافر أو معالجين.

  • صالون حلاقة

    قص، لحية، وزباين بلا موعد عالدور.

  • صالون تجميل نسائي

    صبغة، تسريح ومواعيد طويلة.

  • استوديو أظافر

    مانيكير، جل ونيل آرت بالموعد.

  • سبا ومساج

    غرف مساج، معالجين وباقات.

  • مركز تجميل

    بشرة، رموش، حواجب وأكتر تحت سقف واحد.

كيف بيشتغل

تلات خطوات، كل يوم.

  1. 1

    الزبون بيحجز

    من اللينك تبعك، من الـQR أو بتلفون. واللي بيجي بلا موعد بينزل عالتقويم بتلات كبسات.

  2. 2

    بتخدمو وبتقبض

    بتخلّص الخدمة وبتسجّل الدفع: دولار، لبناني أو التنين، ومعو التيب. والصندوق الصح بيتحدّث لحالو.

  3. 3

    بتشوف مصاريك

    آخر النهار، بتعدّ الصندوق وبتسكّر النهار. بتعرف شو طلّعت، شو صرفت، وقديش لازم تدفع لكل واحد.

كل شي بيحتاجو الصالون. وبس.

شاشات حقيقية من موقع وتطبيق Bookabell.

حجز أونلاين

لينك حجز وQR خاصّين فيك

شارك bookabell.net/اسم-صالونك عالإنستغرام والواتساب، أو اطبع الـQR وحطّو عالكاونتر. الزبون بيختار الفرع، الخدمة، الشخص ووقت فاضي، وإنت بتأكّد بكبسة.

صفحة الحجز العامة لصالون على Bookabell

التقويم

النهار كلّو عشاشة وحدة

كل كرسي، كل حجز وكل زبون بلا موعد. أكّد، غيّر الوقت أو سجّل إنّو ما إجا، وشوف مين فاضي هلّق.

التقويم بتطبيق Bookabell

دولار ولبناني

عملتين، دفعة وحدة

نص الحساب دولار والباقي لبناني عسعرك؟ بتسجّلها دفعة وحدة. كل عملة إلها صندوقها، والنهار بيتسكّر لمّا الصندوق يطابق.

تسجيل دفعة والصندوق بتطبيق Bookabell

فريقك

معاشات، سلف وأداء الموظفين

نسبة أو معاش، تيب، سلف وديون. Bookabell بيحسبلك قديش إلو كل واحد، وكيف عم يشتغل.

مدفوعات الموظفين وأداء حلاق بتطبيق Bookabell

التقارير

قديش عم تطلّع فعلياً

المدخول، المصاريف وشو بيبقالك، بالنهار، بالشهر، بالفرع أو بالشخص. بلا إكسل.

شاشة التقارير بتطبيق Bookabell

المخزون والبيع

بيع منتجات وتابع المخزون

زيد منتجاتك، بيعها عالحساب أو مع الموعد، وشوف شو باقي عالرف بكل فرع.

شاشة المخزون بتطبيق Bookabell

عربي وإنكليزي

بلغتك، وعأي شاشة

بدّل بين العربي والإنكليزي بكبسة. استعمل الموقع عالكمبيوتر والتطبيق عالأندرويد أو الآيفون: نفس الحساب، نفس الأرقام.

صفحة الحجز على Bookabell بالإنكليزي

أسئلة

في تطبيق عالتلفون؟

إيه. في تطبيق لأندرويد وآيفون، وموقع بتفتحو من أي كمبيوتر. التنين عنفس الحساب، فكل شي بيضل متطابق.

بيشتغل بالعربي؟

إيه. كل شي بالعربي والإنكليزي، وكل شخص بيختار لغتو. وصفحة الحجز كمان بالتنين.

فيه الزبون يدفع دولار ولبناني؟

إيه. الدفعة الوحدة فيها تكون جزء دولار وجزء لبناني عسعرك. كل عملة بتروح عصندوقها، فالعدّ آخر النهار بيصير سهل.

عندي أكتر من فرع. بيمشي الحال؟

إيه. بتزيد كل الفروع عحساب واحد. كل فرع إلو تقويمو وفريقو وصناديقو، وبتشوف المجموع سوا.

معلوماتي بأمان؟

معلوماتك إلك ولشغلك، وما منشاركها مع حدا. كل موظف إلو حسابو وما بيشوف إلا اللي إنت بتسمحلو فيه.

كيف بلّش؟ في تجربة ببلاش؟

بتسجّل ببضع دقايق. بس ينفتح حسابك، بيصيرلك ١٤ يوم تستعمل كل شي ببلاش. أو اترك معلوماتك تحت ومنتّصل فيك.

الموظفين بدّن تدريب؟

مش كتير. الشاشات بسيطة، وفي وضع سهل للموظفين اللي بس بدّن يشوفوا حجوزاتن. ومنساعدك تزيد خدماتك وفريقك.

الزباين فيهن يحجزوا أونلاين؟

إيه. بيصيرلك لينك وQR خاصّين فيك. الزبون بيختار الخدمة، الشخص ووقت فاضي، وإنت بتشوف الحجز فوراً.

بدّك تعرف أكتر؟

اترك معلوماتك ومنرجع منتّصل فيك لنفرجيك كيف بيشتغل. بلا أي التزام.

جاهز تنظّم صالونك؟

بلّش تجربة الـ١٤ يوم ببلاش اليوم، أو احكي معنا قبل.